Berdaulat atas suara sendiri

zona aman

Kiban cara kamoe neu peusalah
Meu tueng minyeuk gah dua boh kaca
Meunyoe kamoe neujak peusalah
Aci peuglah ile padum2 boh punca

Punca yang phon keurija tan
Na hase tambang
Ka gob mat kuasa
Meunyoe na beuhö ci usahakan
Mandum pendapatan saban ta rasa
Bek pajoh fi bak proyek tambang
Usaha perkebunan gata cit yang cuca

Lapangan keurija ata cit ka tan
Bu saboh pingan susah ta mita
Na awak gata anggota dewan
Jeuet keu beban kamoe jelata

5 thon sige baro deuh lam kawan
Wate seugolom nyan peue mabok peng RAPBA?

Wajar that kamoe su meu publoe
Pane ek meujak pakoe urusan gata
Peng lam baluem meu sikhan pih tan
Laju meu lelang ngen minyeuk meu tuka

Miseue kali nyoe hana temboih dewan
Bek peuna alasan rakyat peubloe suara

Yang ta mita chit peng na lam reugam
Geutanyoe saban wahe syedara
Cuma beda tanyoe hai taulan
Mita pemasukan laen2 cara
Diawak gata canggih hana ban
Olah tunjangan tiep thon sabe na

Di kamoe rakyat keumireueh sabe
Kadang na hase kadang meu sapeue tan na

Punca kedua singeh ta sambong
Sira meu panton ta meupoh cakra
Bek bungéh2 rakan keu ulon
Sabab nyoe keuh phon lon tuleh haba.

sambil membaca hikayatul hisbah di Bilikroepa Paskadom